Дағдарыс жиі жұмыссыздықтың өсуімен қатар жүреді. Бірақ жыл басынан бері әлемде дағдарыс пен жаһандық рецессияның жақындағаны туралы айтылып жатқанына қарамастан, Қазақстандағы еңбек нарығы тұрақты, оған «Еңбек ресурстарын дамыту орталығы» АҚ-ның мәліметтері дәлел болады.
2022 жылдың III тоқсанындағы зерттеуге сәйкес жұмыс күшінің саны 4,4 мың адамға қысқарды. Алайда өзін өзі жұмыспен қамтығандар саны 4,6 мың адамға артқан. Қазір елде өз бетінше жұмыс істейтін 2,1 миллион адам тіркелген. Олардың басым көпшілігі, яғни 92 пайызы – нәтижелі өзін өзі жұмыспен қамтығандар.
Дайын үрдісті бағалай отырып, жұмыс күшінің саны 12,1 мың адамға өсті деп айтуға болады. Сонымен бірге табысы ең төменгі күнкөріс деңгейінен төмен өзін өзі жұмыспен қамтығандар саны азайып келеді – адамдар көбірек табыс таба бастады.
Forbes ЕРДО басқарушы директоры Александра Молчановскаяның сөзін келтіреді: «Үшінші тоқсанның қорытындысы бойынша жұмыспен қамтылғандар саны шамамен 8,8 миллион адамды құрайды және өткен тоқсанмен салыстырғанда 2,8 мыңға немесе жүзден үш пайызға азайды, бірақ өткен жылдың сәйкес кезеңімен салыстырғанда, керісінше, 12,5 мыңға немесе оннан бір пайызға өсті. Жалдамалы жұмысшылар саны бұрынғысынша 6,7 миллион, ал жұмыссыздар 450 мыңға жуық адам».
Жұмыс күшін бөлу құрылымы өзгермейді. Жалдамалы жұмысшылар қалада, ал өзін өзі жұмыспен қамтығандар ауылда шоғырланған.
Тұтастай алғанда, өткен тоқсанда жұмыссыздар саны өткен тоқсанмен салыстырғанда да, өткен жылмен салыстырғанда да төмендеді.
Александра Молчановская былай дейді: «Егер тұрғылықты жері бойынша жұмыссыздық деңгейінде айтарлықтай өзгерістер болмаса, онда жыныс бойынша әйелдер арасындағы жұмыссыздықтың тоқсан сайынғы өсуі (+0,4 п.т.) 5,7%-ға дейін және оның ерлер арасында (-0,3 п.т.) 4,1%-ға дейін төмендеуі байқалады. Ағымдағы жылдың III тоқсанында жастар арасындағы жұмыссыздық деңгейі 0,1 пайыздық тармаққа өсіп, 3,9 пайызды құрады. Жас ер азаматтарға (3,3%) қарағанда ересектер сегментіндегідей, жас әйелдер арасындағы жұмыссыздық (4,3%) жоғары».
Өңірлер бойынша орташадан жоғары жұмыссыздық деңгейі Маңғыстау, Түркістан, Батыс Қазақстан, Қызылорда облыстарында тіркелді. Жұмыссыздықтың ең төменгі деңгейі – Ұлытау және Қарағанды облыстарында.
Дереккөз:
https://forbes.kz/stats/v_kazahstane_rabotaet_svyishe_2_mln_samozanyatyih_grajdan/
